免費facial邊有好嘢？我曾經都係咁諗，如果你同我一樣諗法，我想藉呢篇post話比你知免費facial嘅必要性。好多人一諗到免費facial就好對抗或者好驚，一係就覺得「我唔想去拎呢個著數」、一係就耍手擰頭「驚比人困住2個鐘落唔到樓」，2種諗法我都好明白，但真係唔可以就咁擋住你哋去試免費facial或者用優惠價試做facial！
因為做免費facial係你interview間美容院好重要、好重要嘅一步！
同顧問或者治療師傾都未傾過、試到未試過就買facial？上網做下功課 ，然後比顧問sell下就去買？No！香港好多間美容院唔會蝕1次療程比你，覺得睬你都傻，要你一買就買6次至8次，然後每個月上嚟做一次，即係你一買Plan就預咗同呢間美容院糾纏半年。你諗下，你買嘢食都唔會未試過好無味就一口氣買8盒係咪？仲要唔岩都唔可以送比人喎！
我深切體會到免費facial嘅重要性，竟然係因為做激光療程嘅時候反黑，真係嚇死我！
事源係咁，小弟我本身食緊A酸，而家食A酸療程其實好溫和，唔需要根據體重嚟食，即係我每日大概只係食5mg度，so far其實好療程係非常循步漸進，我都好滿意療效，塊面上面9成時間都無瘡，偶爾就係熬夜、食多咗垃圾食物同舉鐵舉得太勁嘅時候，條頸或者下巴位會生1、2粒瘡，但因為食緊A酸所以都好快謝……
但暗瘡好易搞，只要食A酸就好快會見到效果，最難搞嘅係凹凸洞。
同我皮膚科醫生商量之後，佢同意我係可以去做微針射頻或者有蜂巢頭嘅皮秒激光，你無睇錯，佢係比我食緊A酸嘅時候做光學療程！呢樣係好多皮膚科醫生都唔會建議嘅，因為我食嘅份量好少，所以佢覺得無咩問題，但重點係能量唔可以開太高，切記切記能量要開得低，因為食咗A酸之後皮膚會吸收更多光能，能量開得一高就好容易Burn！
雖然醫生係咁講，我都開始搵有咩針對凹凸洞嘅免費facial，或者一次性facial嚟做，但搵嚟搵去都無咩哋方肯做（因為無論醫生或者治療師都怕出事），直到我搵到一間規模中等，唔大唔細嘅美容院（唔係度開名啦費事啦），我一嚟就已經開宗明義講到明我食緊A酸，要食半年，其他美容院要我食完A酸後半年再做，即係夾夾埋埋，由而家開始要一年之後先可以做光學醫美療程，我唔想等咁耐，我個醫生話其實能量開低啲可以照做喎…….
佢哋真係應承得好爽快，咩都應承，但就係無得試免費facial比我試下個感受，睇下做完會唔會真係好反黑，一買就要我買6次蜂巢激光，佢話佢哋係好正統嘅醫美診所，唔會有試做呢樣嘢。咁我好不容易搵到間醫美診所接收我，我都無咩扭計，因為真係好想趁皮膚唔生瘡嘅時候搞搞凹凸洞，一次過提升皮膚質素（咁我至少塊面可以令足一年，可能就咁比我溝到囡呢！）我好爽快買咗療程，但唯一、唯一條件就係要佢哋較低個能量囉！
呢個世界有早知無乞丐？我諗唔洗講你哋都估到第一次打光就發生咩事！我真係好怨恨自己點解唔去試咗免費facial先，而家真係貼錢買難受！我千吩咐萬吩咐，同個治療師講話我食緊A酸要調細個能量……最後出嚟我都係反黑，仲要係狂反黑個隻！不過我安慰自己好彩無Burn到，只不過打完之後成塊面紅曬，打嘅時候已經feel到痛、熱，而且兩邊下腮位好痕，我成塊面好似熱腫咗咁，覺得好漲好硬好痕（因為搽咗麻藥，如果唔係應該都會痛），感覺熱力困喺面入面出唔到嚟，周圍走……個陣已經feel到都大鑊，返去到第3日塊面仍然好紅，跟住就開始色沉，色沉到黑……完全係因為能量開太高、我塊面又太吸光所以反黑咗！搞到我之後成個月黑到包公咁，我膚色黑咗至少兩度，好彩我男人老狗黑啲無所謂，如果係女仔咪煩死？
好多人話我本身食緊A酸，個激光度數較幾低都無用……唔係咁講呀，我之後有同佢哋個邊對質，佢哋承認咗個能量係開大咗、係開得好狠……好彩我無Burn，如果唔係我同佢哋都一樣咁大鑊！經此一役，我根本唔敢再去呢間美容院，逃得到一次驚逃唔到第二次呀！之後搞咗好耐好長時間先肯退錢比我…..講起都煩，呢啲唔講啦！
而每次我同朋友講起，佢哋都質我話點解唔試咗免費facial先？直接就買咗6次？試都未試個treatment岩唔岩自己就扔錢入去？都要試下個治療師有無光牌同有無sense先得㗎……係，講起我都好飲恨，我係蠢咗，點解會一買就6次療程？唔做免費facial先真係唔知佢哋專唔專業同咩料…..
但因為膚色好耐好耐好耐先回復返正常，而我又比之前間美容院嚇親，所以真係乖乖食完A酸嘅半年之後我先開始去搵免費facial嚟做，當然，我最主要訴求都係凹凸洞，美白嫩膚拉提個啲都係其次…….
有朋友介紹咗PM比我，話Perfect Medical呢間有n多免費facial可以做，關於暗瘡嘅都有2個皇牌療程，有激光或者無激光任君選擇喎，佢雖然係PM嘅客，但不時都會上去睇下究竟有咩免費facial或者新療程可以試下或者買幾次嚟做……佢話去暗瘡印療程好岩我做，都係激光，除咗去紅色同啡色暗瘡印之外仲可以搞掂凹凸洞添！
其實自從我反黑反到包公咁之後，都唔係太夠膽去做蜂巢頭皮秒激光呢啲咁高能量嘅療程，試下呢個溫和嘅免費facial都唔錯，1064激光又可以去暗瘡印又可以增生膠原蛋白，撐起凹凸洞，有用㗎！但最緊要有得試咗先囉，如果上到去又要我比錢直接買……我真係見過鬼都怕黑，唔試過岩唔岩自己我絕對係一分錢都唔會出㗎！
朋友同我保證呢個係真‧免費facial，唔會hardsell、唔會圍你2粒鐘迫你買，同埋打光唔會打幾下就算……我聽住先啦，如果有料到嘅話我係唔介意聽下有咩折扣同優惠，畢竟我真係有心想買。
照例啦，我去嘅時候第一時間就同顧問講咗我半年前食咗A酸，但係份量好溫和食得唔係好重，之前曾經試過打一次激光但係能量開得太高反黑咗，顧問姐姐聽得好認真，睇落好似好入腦咁，問咗我比較多相關問題，例如幾時食、食幾耐同份量，上次反黑係幾點同反黑幾耐先白返，而且抄低曬，呢個位令我覺得都幾專業，除咗口頭上會問，都唔會淨係口講，原來仲會比你做皮膚分析機，睇到曬色斑、細菌、毛孔粗大分佈、油分同水分等等數據，對我呢啲理科男嚟講勁Like、非常Nice！
睇完皮膚狀態佢都有推薦專門針對減少油脂、去暗瘡印同撫平凹凸洞嘅療程比我，正常都係6、8及12次咁買啦，我覺得佢推薦比我嘅療程好正常都好適合我，不過啦我都係個句，我要試咗你哋治療師手勢先、同埋睇下個激光岩唔岩我做，所以我都係堅持要做咗免費facial先。好彩個顧問都無留難我，講多咗一陣就帶我入房比佢哋治療師，仲同治療師交代咗好多嘢。
跟住我咩都未講，治療師都講好多關於我之前食A酸嘅資料，聽到而家我就安心曬，佢話佢問咗顧問同專業人士（呢度有駐場醫生？）話會將能量調低一半，但如果我覺得好痛好熱可以即刻同佢講，而且我見佢喺木板調激光調咗好耐，我覺得佢真係好有Heart，搽咗麻膏大概過20分鐘就開始做，因為做嘅係1064激光，個感覺無蜂巢咁勁，最後亦都唔會喺表膚表層打出好多傷口，成個打光過程我都好放心，感覺係熱熱哋，不過唔會痛，好似比橡筋輕彈咁，亦都唔會熱到之前好似塊面就快爆炸……
打完幾圈之後佢比塊鏡我睇下塊面，我見到粒洞突特別多同毛孔粗大嘅哋方（兩頰同下巴位）會紅啲，而其他都無咩嘢，淨係覺得塊面熱熱哋，未至於會熱到唔舒服。打嘅過程中治療師一直都好專心好認真，無sell我（可能因驚控制唔好我會反黑，所以打得都好小心下），打完之後就將我交返比佢哋顧問，就係咁，呢個免費facial算係完成咗，而我亦都鬆一口氣（感覺我都拎咗塊面去博㗎）！
雖然話係免費facial，但其實成個激光去暗瘡印同粒洞療程都做得好完整，一啲都唔似免費facial。最神奇嘅一點係，我未開口，顧問已經話明白我對做完療程之後嘅皮膚反應有顧慮，叫我可以返去呢幾日密切留意下會唔會反黑，同皮膚有咩反應先，如果OK見到有效果再返嚟買都未遲喎……
佢完全全就講出咗我嘅心聲，所以我都恭敬不如從命，走先！
跟住之後嘅一星期，我好仔細好認真咁每朝每晚同一有時間就睇下塊面咩情況，一直觀察，其實面紅大概3、4個鐘就完全消曬，塊面嘅粗大毛孔係肉眼可見咁縮細咗，而且皮膚變得光滑、有彈性同有光澤咗，臉型係飽滿後生咗，最開心係蘋果肌提升咗同埋我右邊臉一個比較大嘅凹凸洞真係頂上咗嚟，平滑咗好多，所以激光對我嚟講係真係work，而且有全面性嘅功效，唔止得1、2個功效，應該就直接係肌膚抗老（雖然我都唔係好老），感覺係飲飽咗水咁！
我返去買呢個去暗瘡印療程，完全就因為佢哋有免費facial可以比我試咗治療師手勢、有無心機做同埋個能量強度先買，我見過鬼都怕黑，唔試咗我絕對唔會買，但一試岩個能量同效果，其實要賺我錢好易係咪？咁咪買咗成12次去暗瘡印療程囉，keep住保養塊面，keep住輪廓年輕同一口氣搞掂凹凸洞！
我之前睇到好多人話「千祈唔好去免費facial」、「免費facial係呃你上去sell」，我又覺得啦，無良商戶就會用呢啲免費facial手段去氹人上去，而我就覺得正當商戶呢個就係互相interview嘅過程，我想知道佢啲療程值唔值得買，而佢都會睇下係咪fulfill到你嘅要求（萬一你係嚴重濕疹、紅斑痕瘡又或者玫瑰痤瘡，佢哋或者都無辦法幫或者會教你做其他療程啦係咪？）所以要放鬆心態，你試人、人試你！
我自己覺得有免費facial唔做先蠢，如果無得試，一次過買成6至8次療程，徐徐就萬幾二萬蚊，好可能唔岩做就扔錢入鹹水海，到時候就真係喊都無謂！
風水佬就呃你10年8年，理科男唔會！信我！
好多人問我究竟去邊間做，大家應該都係淨係咗文頭同文尾LOL，中間全部Pass，我明，所以我就擺條link喺度啦，想去做免費facial（無論係去暗瘡印療程、暗分療程或者其他想試嘅療程）都可以搵下PM有無，佢哋基本上咩都有。
Perfect Medical 去暗瘡印療程—試做免費facial